ODI World Cup 2023 : ODI વર્લ્ડ કપ 2023 ભારતમાં આયોજિત થવાનો છે, જેના માટે ચાહકો ખૂબ જ ઉત્સાહિત છે. તે જ સમયે એશિયા કપ 2023 પાકિસ્તાનની ધરતી પર આયોજિત થવાનો છે, પરંતુ ભારતે તેની ટીમને ત્યાં મોકલવાનો ઇનકાર કરી દીધો છે. આના પર પાકિસ્તાને ધમકી પણ આપી કે તે ODI વર્લ્ડ કપ 2023માં ભાગ લેવા ભારત નહીં આવે. ત્યારબાદ ઘણા મીડિયા રિપોર્ટ્સમાં એવો દાવો કરવામાં આવ્યો હતો કે ODI વર્લ્ડ કપમાં ભારત અને પાકિસ્તાનની મેચ બાંગ્લાદેશમાં યોજાઈ શકે છે. હવે નજમ સેઠીનું નિવેદન ફરી ચર્ચામાં છે.
જય શાહની આગેવાની હેઠળની એશિયન ક્રિકેટ કાઉન્સિલે આગામી એશિયા કપ માટે સૂચિત ‘હાઇબ્રિડ મોડલ’ને બહાલી આપી નથી, એમ પીટીઆઈના અહેવાલમાં જણાવાયું છે. ‘હાઈબ્રિડ મોડલ’માં ભારત તેની મેચ UAEમાં રમશે જ્યારે પાકિસ્તાન અન્ય મેચોની યજમાની કરશે. એક વિશ્વસનીય સૂત્રના જણાવ્યા અનુસાર, નજમ સેઠી 8મી મેના રોજ દુબઈ જવા રવાના થવાના છે, જ્યાં તેઓ ACC અને ICCના અધિકારીઓ સાથે બેઠક કરશે.
સેઠી તેમની દુબઈની મુલાકાત દરમિયાન પાકિસ્તાન માટે સમર્થન મેળવવા માટે લોબિંગ શરૂ કરશે તેવી અપેક્ષા છે. તેમના મતે, જ્યાં સુધી BCCI અને ICC 2025ની ચેમ્પિયન્સ ટ્રોફીમાં ભારતની ભાગીદારી અંગે લેખિત બાંયધરી નહીં આપે ત્યાં સુધી પાકિસ્તાન તેની વર્લ્ડ કપ મેચો ભારતમાં રમશે નહીં.PCB ચીફ નજમ સેઠી ODI વર્લ્ડ માટે પોતાની ટીમ ભારત મોકલવા માટે તૈયાર છે પરંતુ આ માટે તેઓ BCCI સેક્રેટરી જય શાહ પાસેથી લેખિત ગેરંટી માંગે છે કે 2025 ICC ચેમ્પિયન્સ ટ્રોફીમાં ભારતની ભાગીદારી તેમના દેશમાં જ થશે.
આ પણ વાંચો: ચારે બાજુ બરફ-બરફ અને ગુફાની અંદર બાબા બર્ફાની, શિવલિંગના દિવ્ય દર્શન કરો
ODI World Cup 2023 આ વર્ષે ઓક્ટોબર અને નવેમ્બરમાં ભારતમાં યોજાવાનો છે. વર્લ્ડ કપ માટે BCCI એ પાકિસ્તાનની મેચો માટેના મેદાન તરીકે અમદાવાદ (ભારત સામેની મેચ), ચેન્નાઈ, બેંગલુરુ અને કોલકાતાની પસંદગી કરી છે. અમદાવાદનું નરેન્દ્ર મોદી સ્ટેડિયમ વિશ્વનું સૌથી મોટું સ્ટેડિયમ છે. જ્યાં એક લાખ દર્શકો બેસીને મેચ નિહાળી શકશે.
