સૌરાષ્ટ્ર સહીત ગુજરાતમાં આટલી જગ્યાએ ભર શિયાળે વરસાદ ચાલુ

ગુજરાતમાં ચોમાસા બાદ કમોસમી વરસાદ અને ત્યારબાદ તીડનાં આક્રમણે ખેડૂતોને રડાવ્યા હતા ત્યારે હવે જાન્યુઆરીમાં પણ આજે કમોસમી વરસાદ થયો છે. ભર શિયાળે ચોમાસા જેવો માહોલ છે.સૌરાષ્ટ્ર અને ઉત્તર ગુજરાતમાં આજે વહેલી સવારથી ઝરમર વરસાદ વરસતા ખેડૂતોની ચિંતામાં વધારો થયો છે.

કચ્છ સહીત સૌરાષ્ટ્રના રાજકોટ, દ્વારકા, જામનગર, ભાવનગરમાં વરસાદ પડતા ઠંડકમાં વધારો થયો છે.માવઠાના કારણે ખેડૂતો મુશ્કેલીમાં મુકાઈ ગયા છે.ઉત્તર ગુજરાતના બનાસકાંઠાના વાતાવરણમાં પણ અચાનક પલટો આવ્યો હતો. વડોદરા, મહીસાગર, દાહોદ, પંચમહાલ સહિતના જિલ્લાઓમાં પણ વાદળછાયું વાતાવરણ હતું.

માવઠાની અસરથી શિયાળુ પાક જીરું, ચણા, ઘઉં સહીત અનેક પાક માં નુકસાન થવાની શક્યતા છે. જો કે હજુ વાદળછાયા વાતાવરણ વચ્ચે ઝરમર વરસાદની શક્યતા છે.રવી પાકોમાં નુકસાનની ભીંતિથી ખેડૂતો ચિંતીત છે.