સરકારી હોય કે ખાનગી કામ દરેક જગ્યાએ આધાર વગર કોઈ કામ થતું નથી. આધાર એ વ્યક્તિની ઓળખનો મજબૂત પુરાવો છે. આજકાલ નાના કામ માટે પણ આધાર કાર્ડનો ઉપયોગ કરવામાં આવે છે. આવી સ્થિતિમાં દરેક ભારતીય માટે આધાર કાર્ડ હોવું ખૂબ જ જરૂરી છે. આધાર કાર્ડ ઘણા સ્વરૂપોમાં આવે છે.
UIDAIની વેબસાઈટ મુજબ, આધાર કાર્ડના 4 પ્રકાર છે. આ છે- આધાર લેટર, આધાર PVC કાર્ડ, ઈ-આધાર અને m-આધાર. બધાના કેટલાક વિશેષ ફાયદા છે. આધાર એ UIDAI દ્વારા ભારતના નાગરિકોને જારી કરાયેલ 12 અંકનો એક ચકાસી શકાય એવો ઓળખ નંબર છે. UIDAI એ લોકોની સુવિધા માટે આધારના આ અન્ય ફોર્મેટ વિકસાવ્યા છે. ચાલો તેમના વિશે જાણીએ.
1.આધાર એટર: તે કાગળ આધારિત લેમિનેટેડ લેટર છે. તેમાં ઈશ્યુની તારીખ અને પ્રિન્ટની તારીખ સાથેનો QR કોડ છે. આધાર પત્ર મફતમાં બનાવી શકાય છે. જરૂરી બાયોમેટ્રિક અપડેટ કરાવવાની પ્રક્રિયા પણ મફત છે. તે વ્યક્તિને પોસ્ટ દ્વારા મોકલવામાં આવે છે. જો તમારું અસલ આધાર કાર્ડ ફાટી ગયું હોય અથવા ખોવાઈ ગયું હોય, તો તમે નવું મેળવી શકો છો. તમે UIDAIની વેબસાઈટ પર જઈને આ કરી શકો છો.
2. આધાર પીવીસી કાર્ડ:આધાર PVC કાર્ડ એ આધારનું નવું વર્ઝન છે. આ આધાર કાર્ડ પીવીસી આધારિત છે. તે સામાન્ય આધાર કાર્ડ કરતાં વધુ મજબૂત છે, તેથી તે સરળતાથી ફાટી શકતું નથી. તેમાં ડિજિટલી સહી કરેલ આધાર સુરક્ષિત QR કોડ, ફોટો અને વસ્તી વિષયક માહિતીનો સમાવેશ થાય છે. તેને સ્પીડ પોસ્ટ દ્વારા રહેવાસીના સરનામે મોકલવામાં આવે છે. તમે 50 રૂપિયાની ફી સાથે uidai.gov.in અથવા Resident.uidai.gov.in પર જઈને તેનો લાભ લઈ શકો છો.
3.e-Aadhaar: આ આધારનું ઈલેક્ટ્રોનિક સ્વરૂપ છે. ઈ-આધારમાં પાસવર્ડ છે. તેમાં QR કોડ પણ છે. તે UIDAI દ્વારા ડિજિટલી હસ્તાક્ષરિત છે. તમે તમારા રજિસ્ટર્ડ મોબાઇલ નંબરનો ઉપયોગ કરીને UIDAI ની સત્તાવાર વેબસાઇટ પરથી તમારું ઇ-આધાર મેળવી શકો છો. તે મફતમાં ડાઉનલોડ કરી શકાય છે.
4. mAadhaar: M આધાર UIDAI દ્વારા બનાવવામાં આવેલ એક અધિકૃત મોબાઈલ એપ છે. તે આધાર નંબર ધારકોને તેમના આધાર રેકોર્ડ્સ CIDR સાથે રજીસ્ટર કરવા માટે ઈન્ટરફેસ પ્રદાન કરે છે. આ રેકોર્ડમાં ડેમોગ્રાફિક ડેટા અને ફોટોગ્રાફ સાથે આધાર નંબરનો સમાવેશ થાય છે. તેમાં સુરક્ષિત QR કોડ પણ છે. mAadhaar મફતમાં ડાઉનલોડ કરી શકાય છે.
