ગુજરાતમાં ઠંડીએ થોડા દિવસોથી જોર પકડ્યું છે. એવામાં હવામાન નિષ્ણાત અંબાલાલ પટેલ દ્વારા તેને લઈને મોટી જાણકારી આપવામાં આવી છે. તેમના દ્વારા જણાવવામાં આવ્યું છે કે, જાન્યુઆરીના અંત અને ફેબ્રુઆરીની શરૂઆતમાં ઠંડીમાં વધારો થશે. ફેબ્રુઆરીના પ્રથમ અઠવાડિયામાં કાતિલ ઠંડી જોવા મળશે. જ્યારે ગુજરાતના કેટલાક ભાગોમાં 10 ડિગ્રીની નીચે તાપમાન જવાની શક્યતા રહેલી છે. તેની સાથે હિમવર્ષા જેવો અનુભવ થવાની શક્યતા રહેલી છે.
તેની સાથે હવામાન નિષ્ણાત અંબાલાલ પટેલ દ્વારા જણાવવામાં આવ્યું છે કે, 26 થી 29 જાન્યુઆરીમાં નક્ષત્ર અને ગ્રહો જળદાયક નક્ષત્ર નાડીમાં રહેલા છે. તેની સાથે મંગળ, બુધ ગ્રહનો વાયુ વાહક તરફ યોગ રહેલો છે. જાન્યુઆરીના અંતમાં મજબૂત હિમવર્ષાની શક્યતા રહેતા વાદળો જોવા મળશે. તે સમયે ઠંડીમાં ઘટાડો જોવા મળશે. વાદળો આવવાની શક્યતા રહેતા આગામી અઠવાડિયામાં લઘુત્તમ તાપમાન વધવાની શક્યતા રહેલી છે.
આ સાથે વધુમાં તેમને જણાવ્યું કે, જાન્યુઆરી મહિનામાં એક વખત કમોસમી વરસાદ જોવા મળશે. ભૂમધ્ય સાગરમાં ફરી એક વખત ચક્રવાત જોવા મળશે છે. તેની અસર ભારતના પશ્ચિમભાગ ઉપર અસર જોવા મળશે પરંતુ ગુજરાત પર તેની અસરથી કમોસમી વરસાદ જોવા મળવાનો છે. આ સાથે 24 થી 26 જાન્યુઆરીના વેસ્ટર્ન ડિસ્ટર્બન્સની અસર ગુજરાતમાં જોવા મળવાની છે. તેની અસરના ભાગ રૂપમાં કચ્છ, પશ્ચિમ સૌરાષ્ટ્માં વરસાદની શક્યતા જોવા મળશે. જયારે ગુજરાતનાં અન્ય ભાગોમાં વાદળવાયુ વાતાવરણ રહેવાની શક્યતા રહેલી છે. તેના લીધે રાજ્યમાં વાદળવાયુ વાતાવરણ રહેવાનું છે.
અંબાલાલ પટેલ દ્વારા એ પણ જણાવવામાં આવ્યું છે કે, ફેબ્રુઆરીની શરૂઆતમાં બુધ અને શુક્ર ગ્રહ પૃથ્વી તત્વની રાશિઓમાં આવતા ફેબ્રુઆરી માસથી દેશના ઉત્તરીય પર્વતીય પ્રદેશોમાં ભારે હિમ વર્ષાની શક્યતા રહેલી છે. તેની સાથે વેસ્ટર્ન ડિસ્ટર્બન્સ નબળા આવવાને લીધે ઉત્તરીય પ્રદેશ પર્વતીય વિસ્તારોમાં ભારે હિમ વર્ષા ન થતા સંતુલિત હવામાન રહ્યું નથી. તેની સાથે ફેબ્રુઆરીના પ્રથમ બે અઠવાડિયામાં ગુજરાતમાં સવારે અને સાંજે હિમયુક્ત ઠંડી અનુભવશે. આ સિવાય કેટલાક વિસ્તારોમાં ન્યુન્તમ તાપમાન 10 ડિગ્રીથી નીચું જવાની શક્યતા રહેલી છે. આ દિવસોમાં હિમવર્ષાની પણ શક્યતા રહેલી છે. આ સમયે ખેડૂતોએ પીયત આપવું હિતાવહ તેવું અંબાલાલ પટેલ દ્વારા ખેડૂતોને સલાહ આપવામાં આવી છે.
નોંધનીય છે કે, સામાન્ય રીતે 28 ફેબ્રુઆરીથી શિયાળો વિદાય લે છે અને માર્ચ મહિનાથી ધીમે-ધીમે ઉનાળાની શરૂઆત થાય છે. આ વખતે વર્ષ 2023-24માં શિયાળો 15 ફેબ્રુઆરી પછી વિદાય લઇ લે તેવી શક્યતાઓ જોવા મળી રહી છે.
