અમદાવાદ: યુવતીને એકલા જોઈને ઘરમાં ઘુસ્યા બે શખ્સ, પછી થયું કંઈક એવું કે…

અમદાવાદ શહેરના નારોલ વિસ્તારમાં એક વિચિત્ર પ્રકારની ઘટના સામે આવી છે. નારોલ વિસ્તારમાં એક યુવતી જયારે પોતાના ઘરમાં એકલી હતી તે દરમિયાન તેણીના ઘરમાં એક યુવક તેમજ એક આધેડ ઘૂસી આવ્યા હતા. અને આ લાકોએ મહિલાને ઘરમાં એકલી જોઈને તેણીની પર નજર બગાડી હતી. અને યુવતી સાથે બિભત્સ પ્રકારની માગણી કરી હતી. આ બંને શખ્સોએ યુવતીને કહ્યું કે, અમારે તારી સાથે શારીરિક સંબંધ બાંધવો છે હતું.

ત્યારે અજાણ્યા શખ્સોથી ગભરાવાના બદલે યુવતીએ તેમનો સામનો કર્યો હતો. યુવતીએ પોતાની પાસે પડેલું તાળાનો હથિયાર તરીકે ઉપયોગ બન્ને શખ્સોને પોતાના ઘરમાંથી બહાર કાઢ્યા હતા. ત્યારબાદ યુવતીએ પોતાની સાથે બનેલી ઘટનાને લઈને પોલીસ ફરિયાદ કરી છે.શહેરના નારોલ વિસ્તારમાં થયેલ આ ઘટનામાં અભયમની ટીમને ફોન આવ્યો હતો કે, અમારી દીકરી ઘરમાં એકલી હતી તે દરમિયાન બે અજાણ્યા શખ્સો ઘૂસી ગયા હતા.

આ બંને શખ્સોએ અમારી દીકરી પાસે બિભત્સ માગણી કરીને બળજબરી કરી હતી. ત્યારે યુવતી એકલી હોવાના કારણે તે ડરી ગઈ હતી. ત્યારે આ વાતની જાણ થતા અભયમની ટીમ મદદ માટે ઘટનાસ્થળ પર પહોંચી હતી. જે યુવતી સાથે આ ઘટના બની તેના પરિવારમાં તેના માતા-પિતા, ત્રણ બહેનો તેમજ એક ભાઈ છે. છૂટક મજૂરી કામ કરીને આ પરિવાર પોતાનું ગુજરાન ચલાવે છે. આ ઘટના બની ત્યારે યુવતીનો નાનો ભાઈ બહાર રમતો હતો. ત્યારે યુવતીને ઘરમાં એકલી જોઈને અંદાજે 35 અને 55 વર્ષના બે શખ્સો ઘરમાં ઘૂસી ગયા હતા.

જેમાંથી એક શખ્સ ઘરની બહારની બાજુ ઉભો રહ્યો હતો. અને બીજો શખ્સ ઘરમાં આવીને યુવતી સાથે બિભત્સ વર્તન કરવા લાગ્યો હતો. જો કે, યુવતીએ આઘટનાનો હિંમતથી સામનો કર્યો હતો.પ્રાપ્ત માહિતી અનુસાર, એક શખ્સ યુવતી ઘરમાં એકલી હતી ત્યારે ઘૂસી આવ્યો હતો. તે જોઈને યુવતીએ તે શખ્સને પૂછ્યું હતું કે તમારે શું કામ છે? આ દરમિયાન યુવકે તેણીની સાથે શારીરિક સંબંધ બાંધવાની બીભત્સ માગણી કરી હતી. ત્યારબાદ યુવતીને જમીન પર પાડીને આ શખ્સે તેણીની સાથે બળજબરી કરવાનો પ્રયાસ કર્યો હતો.

ત્યારે યુવતીની નજર તેની પાસે પડેલા તાળા પર પડતા તેણે પોતાનું રક્ષણ કરવા માટે તાળાથી ઘરમાં ઘૂસી આવેલા શખ્સ પર છૂટ્ટું નાખ્યું હતું. ત્યારે બંને શખ્સ યુવતીની હિંમત જોઈને ત્યાંથી ભાગી ગયા હતા. ત્યારબાદ જ્યારે યુવતીના પરિવારના સભ્યો મજૂરી કામેથી ઘરે આવ્યા ત્યારે તેમણે જોયું કે યુવતી ઘરમાં એકલી બેસીને રડી રહી હતી. ત્યારે પરિવારે યુવતી પાસેથી સમગ્ર બાબત અંગે જાણકારી મેળવી હતી. અને આ મામલે અભયમની ટીમને મદદ માટે ફોન કર્યો હતો.

નારોલ વિસ્તારમાં યુવતી સાથે બનેલ આ ઘટનાને લઈને અભયમની ટીમે યુવતી સાથે મુલાકાત લઈને કાયદાકીય સમજ આપી હતી. ત્યારબાદ યુવતીએ બન્ને શખ્સો વિરુદ્ધ પોલીસ ફરિયાદ નોંધાવવાનો નિર્ણય લીધો હતો. યુવતીએ અભયમ ટીમની મદદથી બન્ને શખ્સો વિરુદ્ધ નારોલ પોલીસ સ્ટેશનમાં ફરિયાદ નોંધાવી છે.