રાજ્યમાં છેલ્લા ઘણા સમયથી ખાદ્ય પદાર્થો માંથી અનેક જીવજંતુઓ નીકળવાની ઘટનાઓમાં સતત વધારો થઈ રહ્યો છે. કેમ કે અવારનવાર તેને લઈને ઘટનાઓ સામે આવી રહી છે. જ્યારે આજે આવી જ એક બાબત અમદાવાદથી સામે આવી છે. અમદાવાદની એક હોટલમાંથી સૂપની અંદરથી જીવાત નીકળી હોવાનું સામે આવ્યું છે. આ ઘટના બોડકદેવમાં આવેલ હોટલ પ્રાઈડ પ્લાઝામાં ઘટી છે.
જાણકારી મુજબ, બોડકદેવમાં પકવાન ક્રોસિંગ પાસે ન્યાયમાર્ગ પર આવેલી હોટલ પ્રાઈડ પ્લાઝામાં એક બિઝનેસ મિટિંગ રખાઈ હતી. આ મિટિંગમાં આવેલા મહેમાનોને આ દરમિયાન સૂપ પીરસવામાં આવ્યું હતું. જયારે આ સૂપમાં જીવાત નીકળતા ભારે હોબાળો થયો હતો. ત્યાર બાદ તમામ લોકો દ્વારા તાત્કાલિક સૂપ મૂકી દેવામાં આવ્યો હતો. આ મામલામાં સંચાલકો દ્વારા હોટલને આ મામલામાં ફરિયાદ દાખલ કરવામાં આવી હતી.
ત્યાર બાદ આ ઘટનાની જાણકારી અમદાવાદ મહાનગરપાલિકાના ફૂડ વિભાગને કરવામાં આવી હતી. જ્યારે આ મામલામાં અમદાવાદ મહાનગરપાલિકાના ફૂડ વિભાગ દ્વારા હોટલ પ્રાઈડ પ્લાઝા સામે કાર્યવાહી કરવામાં આવી છે. અમદાવાદ મહાનગરપાલિકા વિભાગ દ્વારા ફૂડ વિભાગના અધિકારીઓ હોટલ પ્રાઈડ પ્લાઝા પહોંચીને હોટલનું કિચન સીલ કરી કાર્યવાહી હાથ ધરવામાં આવી હતી.
