લોકસભા ચૂંટણી પહેલા જ ભાજપ તરફ મોટો દાવ રમવામાં આવ્યો છે. ભાજપ દ્વારા ભરતી મેળો શરૂ કરીને મોટી સંખ્યામા લોકોને આવકારવામાં આવી રહ્યા છે. ત્યારે આજે કમલમમાં ભાજપનો સૌથી મોટો ભરતી મેળો થયો હોય તેમ કહેવું યોગ્ય રહેલ છે. રાજકારણના પાંચ મોટા નેતાઓ તથા વિવિધ પાર્ટીના કાર્યકતા સહિત કુલ 2500 લોકો ભાજપમાં સમાવેશ થયા છે. કમલમમાં આજે આપ અને કોંગ્રેસના કાર્યકર્તાઓ દ્વારા કેસરિયો ધારણ કરવામાં આવ્યો છે. જેમાં BTP ના રાષ્ટ્રીય અધ્યક્ષ મહેશ વસાવા 800 સમર્થકો સાથે ભાજપમાં જોડાયેલ છે. જ્યારે કોંગ્રેસના બનાસકાંઠાના પૂર્વ ધારાસભ્ય મહેશ પટેલ પણ ભાજપમાં જોડાઈ ગયા છે.
ભાજપમાં જોડાયેલ મોટા નેતાઓ
મહેશ વસાવા, પૂર્વ પ્રમુખ અને પૂર્વ બીટીપી અધ્યક્ષ
પાલનપુરના કોંગ્રેસના પૂર્વ ધારાસભ્ય મહેશ પટેલ
પૂર્વ સીએમ છબીલદાસ મહેતા ના પુત્રી સુનીતાબેન જોડાયા
AAP અમદાવાદના નેતા સંજય મોરી
ફતેસિંહ વસાવા, ઝઘડિયાના કોંગ્રેસના ઉમેદવાર રહી ચૂક્યા છે
નોંધનીય છે કે, તાજેતરમાં જ કોંગ્રેસના પૂર્વ પ્રદેશ પ્રમુખ અર્જુન મોઢવાડિયા અને પૂર્વ ધારાસભ્ય અંબરીશ ડેર દ્વારા કેસરિયો ધારણ કરવામાં આવ્યો હતો. ત્યારે હવે વધુ એક નેતા ભાજપમાં સામેલ થયા છે. ભાજપ હવે આદિવાસી વિસ્તારમાં મોટું ગાબડું પાડ્યું છે. BTP પ્રમુખ અને પૂર્વ ધારાસભ્ય મહેશ વસાવા કમલમ ખાતે ભાજપમાં જોડાયેલ છે. તેની સાથે પાંચ મોટા નેતાઓ તથા વિવિધ પાર્ટીના કાર્યકતા સહિત કુલ 2500 લોકો ભાજપમાં જોડાઈ ગયા છે.
