ઇડરમાં કારમાં મોજ કરવી મિત્રોને પડી ભારે, સ્ટીયરિંગ પરથી કાબુ ગુમાવતા પુલ નીચે કાર ઘુસી જતા સર્જાયો અકસ્માત, પાંચને ઈજા

રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માતના મોત માં વધારો થઈ રહ્યો છે, હાલના સમયમાં આ રોડ અકસ્માતમાં મોટો વધારો નોંધાઈ રહ્યો છે. ત્યારે આ અકસ્માત માં બનાવમાં નાનાથી લઈને મોટા દરેક ભોગ બનતા રહે છે. ત્યારે વધુ એક અકસ્માત સાબરકાંઠાથી સામે આવ્યો છે.

જાણકારી મુજબ, સાબરકાંઠામાં ઈનોવા કાર નો ભયંકર અકસ્માત સર્જાયો હતો. સાબરકાંઠાના ઈડર ના નેત્રામલી નજીક અકસ્માત સર્જાયો છે. ઈનોવા કાર માં યુવાનો ફરવા માટે નીકળ્યા હતા. જેમાં અચાનક કાર ચાલક દ્વારા સ્ટીયરીંગ પરથી કાબુ ગુમાવી દેતા કાર પુલના નીચેના ભાગમાં ઘુસી ગઈ હતી. તેના લીધે કારમાં બેઠેલા યુવાનો ભારે ઈજા પહોંચી હતી. તેમને નજીકની હોસ્પિટલમાં સારવાર અર્થે ખસેડવામાં આવ્યા છે.

તમને જણાવી દઈએ કે, અકસ્માત એટલો ભયંકર હતો કે કાર પુલ ની નીચે ફસાઈ ગઈ હતી. તેના લીધે કારમાં સવાર પાંચથી વધુ યુવાનોને ભારે ઈજા પહોંચી હતી. અકસ્માત સર્જાતા જ સ્થાનિક લોકો મદદ માટે દોડી આવ્યા હતા. તેમના દ્વારા ઈજાગ્રસ્ત યુવકો ને સારવાર માટે નજીકની હોસ્પિટલમાં ખસેડ્યા હતા.

તેની સાથે કારમાં એક યુવાનના મોબાઈલમાં અકસ્માતનો લાઈવ વીડિયો પણ રેકોર્ડ કરવામાં આવ્યો હોવાનું સામે આવ્યું છે. જેમાં ગુજરાતી ગીત પર યુવાનો ચાલુ કારમાં મસ્તીના મૂડમાં રહેલા હતા તે દરમિયાન કાર ચાલક દ્વારા સ્ટિયરિંગ પરથી કાબૂ ગુમાવી દેવામાં આવતા કારણોસર અકસ્માત સર્જાયો હતો. જ્યારે ભારે જહેમત બાદ આ કારમાંથી યુવાનોને બહાર કાઢવામાં આવ્યા હતા.