રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માત ના મોત માં વધારો થઇ રહ્યો છે, હાલના સમયમાં આ રોડ અકસ્માતમાં મોટા વધારો નોંધાઈ રહ્યો છે. ત્યારે આ અકસ્માતના બનાવમાં નાનાથી લઈને મોટા દરેક ભોગ બનતા રહે છે. ત્યારે આજે વધુ એક ભયાનક અકસ્માત મહેસાણાથી સામે આવ્યો છે.
પ્રાપ્ત માહિતી મુજબ, મહેસાણામાં લક્ઝરી બસનો અકસ્માત થયો હોવાનું સામે આવ્યું છે. મહેસાણાના નંદાસણ પાસે લક્ઝરી બસ પલટી મારી જતા અફરાતફરીનો માહોલ સર્જાયો હતો. આ અકસ્માતમાં બે લોકોનાં મોત નિપજ્યાં છે અને છ જેટલા લોકો ગંભીરરીતે ઈજાગ્રસ્ત થયા છે. લક્ઝરી બસ સુરતથી જોધપુર તરફ જઇ રહી હતી એવામાં નંદાસણ પાસે પહોંચતા બસ પલટી ખાતા અકસ્માત સર્જાયો હતો.
જાણકારી અનુસાર, આ લઇને સુરતથી જોધપુર જઇ રહેલી લક્ઝરી બસમાં 20 જેટલા પેસેન્જરો રહેલ હતા. બસ અકસ્માતમાં એક મહિલા અને એક બાળકનું કરૂણ મોત નિપજ્યું હોવાનું સામે આવ્યું છે. જ્યારે અકસ્માતમાં 5 થી 6 લોકો ગંભીરરીતે ઈજાગ્રસ્ત થયા છે. ઇજાગ્રસ્તોને સારવાર માટે નજીકની હોસ્પિટલ લઇ જવામાં આવ્યા છે.
અકસ્માત સર્જાતા જ સ્થાનિક લોકો ઘટનાસ્થળ પર દોડી આવ્યા હતા અને તેમના દ્વારા પોલીસને આ મામલામાં જાણ કરવામાં આવી હતી. બસમાં ફસાયેલા લોકો બહાર કાઢયા બાદ ક્રેઇનની મદદથી પલટી ગયેલ લક્ઝરીને રસ્તા પરથી દૂર કરવામાં આવી હતી. અકસ્માત કેવી રીતે સર્જાયો તે મામલામાં વધુ પોલીસ દ્દવારા તપાસ હાથ ધરવામાં આવી છે.
