ગુજરાતમાં ધીરે-ધીરે સર્વત્ર ચોમાસું બેસતું જોવા મળ્યું છે. એવામાં હવામાન વિભાગ દ્વારા આજે મોટી આગાહી કરવામાં આવી છે. હવામાન વિભાગ દ્વારા તે પણ જણાવવામાં આવ્યું છે કે, રાજ્યના કેટલાક જિલ્લામાં આજે ભારે વરસાદ જોવા મળવાનો છે. એવામાં ગુરુવારના રોજ એટલે આજે કચ્છ, મોરબી, સુરેન્દ્રનગર, ભાવનગર, ગીર સોમનાથ, નવસારી, વલસાડ માં ઓરેન્જ એલર્ટ આપવામાં આવ્યું છે.
તેની સાથે બનાસકાંઠા, પાટણ, અમદાવાદ, વડોદરા, ભરૂચ, છોટાઉદેપુર, નર્મદા, સુરત, તાપી અને ડાંગ માં યલો એલર્ટ જાહેર કરવામાં આવ્યું છે. જ્યારે દેવભૂમિ દ્વારકા, જામનગર, રાજકોટ, જૂનાગઢ અને પોરબંદર માં આપતા ભારે વરસાદની આગાહી કરી છે.
હવામાન વિભાગ દ્વારા આ સિવાય તા. 19 નાં કચ્છ, દેવભૂમિ દ્વારકા, જામનગર, રાજકોટ, જૂનાગઢ, અમરેલી, ભાવનગર, ગીર સોમનાથ માં ઓરેન્જ એલર્ટ આપવામાં આવ્યું છે. જ્યારે મોરબી, સુરેન્દ્રનગર, ભરૂચ, સુરત, તાપી, ડાંગ અને બોટાદમાં યલો એલર્ટ જાહેર આપ્યું છે.
આ સિવાય તા. 20 અને 21 ના રોજ ગીર સોમનાથ, અમરેલી, ભાવનગર, સુરત, તાપી, નવસારી અને ડાંગ, વલસાડ જિલ્લામાં હવામાન વિભાગ દ્વારા છૂટા છવાયા વરસાદની આગાહી કરવામાં આવી છે. જ્યારે અમરેલી, ભાવનગર, નવસારી અને વલસાડમાં વરસાદ ની આગાહી કરવામાં આવી છે.
